Lirik Lagu Lampung (Cangget Agung, Kawin Mulang Muaghi, Muloh Tungga, Penyandangan, Sang Bumi Ghua Jurai, Seminung)

CANGGET AGUNG

Sessat agung sai wawai

Talo butabuh tarei cangget

Gawei adat

Tano tigeh cakak pepadun

Adat budayo Lampung

Nayah temmen ragem wawaino

Jepano, gerudono rato sebatin

Cangget agung 2x

Mulei batangan

Dilem kutomaro 2x

Mejjeng busanding

Gawei adat lappung 2x

Jak zaman tuho

Lapah gham jamo-jamo

Ngelestareiken adat lappung

MULOH TUNGGA

Teppik pengkalan mandi

Tinggaldo indai kanca

Halokwi antak sinji

Negham bandung pujama

Induh kapan masani

Gham dapok muloh tungga

Kintu wat salah dighi

Mahaf keti sai dija

Reff.

Mangkung tantu kapan masani

Gham dapok muloh tungga

Sangun sedih, kik tipubiti

Pulipang jak pujama 2x

Luhotku dipuaghi

Sunyinni sai wat dija

Kintu telibak dudi

Singgah di gham dang lupa

PENYANDANGAN

Mak ngedok sai umpama

Biti sakikni badan

Tanjogh tughun dunia

Ghejiwi penyandangan

Layin ulih besuya

Pembagian jak Tuhan

Kidangwi payu ghiya

Sakikni penyandangan

Reff.

Lah lawi api daya

Biduk lebon kayuhan

Lah lawi api daya

Biduk lebon kayuhan

Asing iluk ghik cagha 2x

Supaya nyampai tujuan

Kidangwi payu ghiya

Nyak nunggu kemughahan

Sabagh daleh bedua

Kekalau kedolohan

SEMINUNG

Seminung di kala dibi

Cahyani kuning gegoh emas

Cukutni hampaghan mata

Tebingni ngejutko hati

Manuk-manuk behamboghan

Dija dudi ghagom bepantun

Ngeghasako angin Seminung

Ceghita jak zaman saka

Reff.

Segala huma di zaman timbai

Tanom tumbuh tuwoh mak buhantagha

Seminung sikop dilingkaghi wai

Kughnia Tuhan Mahakuasa

SANG BUMI GHUA JURAI

Jak ujung Danau Ghanau

Teliyu mit Wai Kanan

Sampai pantai Lawok Jawo

Pesisigh ghik pepadun

Jadi sai dilom lambang

Lampung sai kayo ghayo

Lampung sai,

Sang bumi ghua jughai 2x

Ki gham haga bughasa

Hujauni pemandangan

Huma lada di pematang

Apilagi cengkehni

Telambun beghuntaian

Tandani kemakmughan

Lampung sai,

Sang bumi ghua jughai 2x

Canggot pagha penglaku

Sembah jama sebatin

Sina gawi adat sikam

Manjau ghik sebambangan

Taghi ghakot ghik Melinting

Cihgini ulun Lampung

KAWIN MULANG MUAGHI

Ghadu cukup segala kuteghima

Bangik sakik, unyin ghadu kughasa

Seghah badan jama Sai Kuasa

Kekalau Ia dapok nimbang ghasa

Sangun ghadu, kuteduh jak semula

Cintamu na mak sampai di lom hati

Payuwi kalau niku bahagia

Kawinmu, kawin mulang muaghi

Reff.

Sai ghadu, ana ghadu

Dang dipubiti lagi

Ghadu bangik kik niku

Kawinmu, kawin mulang muaghi

Antak sinji, lohotku jama niku

Payu ghamwi, seangkonan muaghi

Kintu nyak telibak di lambanmu

Niku dang sampai haga mak nagu

About these ads

Satu Tanggapan

  1. Aku sumbang satu lagu
    KATAN HATI
    By HILA HAMBALA
    Semoga bermanfaat

    Niku wi pandai dek

    Jembat awi sebilah

    Niku wi pandai

    Ngebabang hati susah

    Pagun ditetai hinggamu injuk nemah

    Niku wi pandai dek

    Nyak yu jekhema susah

    Pagun ditetuk

    Hinggamu nemah payah

    Pagun pulelung cakhamu lebon simah

    Hinggamu khalok bang nyempon khuwi onok

    Kuteduh hatimu

    Kik kham nalom nangguli

    Nyak wi nontong wanggamu

    Lagi kham tungga sekheji

    Katan hatiku andah ni lalakunmu

    Khalok ki buntak imanku

    Bunuh dikhi mak bukhadu

    Kusabakhkon dihati

    Kalau wat sai ngobatni

    Lalakun mu hinji kik kham lana omokh ni

    Taakdir ilahi mak dapok di pongkekhi

    Sabakh do pai hati kekalau nungga ubatni

    Khahapan sinji kahut sampai akhirni

    Kipak ya miskin asala kaya imani

    Sabakhko pai do hati

    Kekalau wat ubatni

Berikan Balasan

Isikan data di bawah atau klik salah satu ikon untuk log in:

WordPress.com Logo

You are commenting using your WordPress.com account. Logout / Ubah )

Twitter picture

You are commenting using your Twitter account. Logout / Ubah )

Facebook photo

You are commenting using your Facebook account. Logout / Ubah )

Google+ photo

You are commenting using your Google+ account. Logout / Ubah )

Connecting to %s

Ikuti

Get every new post delivered to your Inbox.

%d blogger menyukai ini: